Kamfanin dillancin labaran reuters ya habarta cewa majalisar dokokin kasar ta amince da wani kudirin doka da ya bada damar aurar da mutane tsakanin jinsi daya, wanda masu goyon bayan ‘yancin al’ummar LGBT suka yaba masa.
Wakilan duka magoya bayansa da masu adawa da halasta auren mutu'a tsakanin ma'auratan sun hallara a gaban majalisar dokokin kasar.
Dokar ta bai wa ma'auratan 'yancin yin aure da renon yara kuma ya zo ne bayan shekaru da dama da al'ummar LGBT suka yi na neman daidaiton aure a kasar Balkan mai ra'ayin mazan jiya.
"Wannan lokacin tarihi ne," in ji Stella Belia, shugabar kungiyar iyayen jinsi guda Rainbow Families, ta shaida wa Reuters. "Ranar farin ciki ce," in ji mai fafutukar.
'Yan majalisa 176 ne suka amince da kudurin dokar a cikin kujeru 300 na majalisar kuma zai zama doka idan aka buga shi a cikin jaridar State Gazette.
Ko da yake mambobin majalisar ministocin Firayim Minista Kyriakos Mitsotakis daga jam'iyyar New Democracy mai matsakaicin ra'ayi sun kauracewa kudurin ko kuma suka kada kuri'ar kin amincewa da kudurin, amma ta samu isassun goyon baya daga bangaren 'yan adawa na hagu, a wani mataki na nuna hadin kai tsakanin jam'iyyun kuma duk da cece-kuce.
Kafin kada kuri'a, Mitsotakis ya yi kira ga Mitsotakis ya yi kira ga majalisar dokokin kasar da ta ce a yi daidaito da kuma amincewa da kudirin.
"Ga kowane ɗan ƙasa na dimokuradiyya, yau rana ce ta farin ciki cewa gobe za a kawar da wani shinge", in ji Firayim Ministan Girka a cikin wani jawabi ga 'yan majalisar.
