Երկրի խորհրդարանը հաստատել է նույն սեռի ներկայացուցիչների միջեւ քաղաքացիական ամուսնությունները թույլատրող օրինագիծը, որը արժանացել է ԼԳԲՏ համայնքի իրավունքների կողմնակիցների ծափահարություններին, հաղորդում է Reuters-ը։
Խորհրդարանի դիմաց հավաքվել էին միասեռ զույգերի քաղաքացիական ամուսնության օրինականացման թե՛ կողմնակիցների, թե՛ հակառակորդների ներկայացուցիչները։
Օրենքը տալիս է միասեռ զույգերին ամուսնանալու և երեխաներ որդեգրելու իրավունք և գալիս է տասնամյակներ շարունակ ԼԳԲՏ համայնքի կողմից սոցիալապես պահպանողական բալկանյան երկրում ամուսնությունների հավասարության քարոզարշավից հետո:
«Սա պատմական պահ է», - Reuters-ին ասաց միասեռական ծնողների Rainbow Families խմբի ղեկավար Ստելլա Բելիան: «Ուրախության օր է»,- հավելեց ակտիվիստը։
Օրինագիծը հավանության է արժանացել 176-տեղանոց խորհրդարանի 300 պատգամավորների կողմից և օրենք կդառնա, երբ այն հրապարակվի Պետական պաշտոնական տեղեկագրում:
Թեև աջ կենտրոնամետ «Նոր ժողովրդավարություն» կուսակցությունից վարչապետ Կիրիակոս Միցոտակիսի կաբինետի անդամները ձեռնպահ քվեարկեցին կամ դեմ քվեարկեցին օրինագծին, այն ստացավ բավարար աջակցություն ձախակողմյան ընդդիմության կողմից՝ միջկուսակցական միասնության հազվագյուտ դրսևորմամբ և չնայած վիճելի բանավեճերին:
Քվեարկությունից առաջ Միցոտակիսը կոչ է արել խորհրդարանին՝ այո ասել հավասարությանը և հաստատել օրինագիծը։
«Յուրաքանչյուր ժողովրդավար քաղաքացու համար այսօր ուրախության օր է, որ վաղը կվերացվի պատնեշը»,- հայտարարեց Հունաստանի վարչապետը՝ ելույթ ունենալով պատգամավորների առջեւ։