Шефот на Чеченија, Рамзан Кадиров, за време на директно емитување за прв пат на англиски и арапски, им се обрати на арапскиот свет и на сите муслимани со понуда да учествуваат во војната во Украина „против сатанистите“, пренесува ЕА Дејли.
„Кој не сака да живее под знамето на ЛГБТ, ќе му дадеме можност да учествува во „специјалната воена операција““, предложи Рамзан Кадиров.
Тој истакна дека сега муслиманите имаат можност да ги заштитат своите духовни вредности.
„Денес се бориме на територијата на Украина против фашизмот, нацизмот, сатанизмот, кои ни наметнуваат нетрадиционални вредности. И ние никогаш нема да го прифатиме ова“, нагласи шефот на Чеченија.