’n Irakse sjef is verlede week in ’n ongewone ongeluk dood toe hy in ’n pot sop geval het. Die man het ernstige brandwonde aan groot dele van sy liggaam opgedoen, berig die Daily Mail.
Sjef Isa Ismail het op 15 Junie gehelp om 'n troubanket by Hazel se trousaal in Zaho voor te berei, berig Gulf News. Terwyl die sop, wat in 'n groot pot op die vloer was, geroer word, het die 25-jarige gegly en in die kos geval.
Die pa van drie is na 'n hospitaal sowat 40 myl verder geneem om behandeling vir die ernstige brandwonde te ontvang. Dokters het etlike dae lank probeer om die man se lewe te red, maar die kok is op 21 Junie dood as gevolg van derdegraadse brandwonde op sowat 70% van sy liggaam.
Die sjef se tragiese dood het Irakse media geruk en 'n uitbarsting van hartseer op sosiale platforms veroorsaak. Baie mense het die voorval geblameer op onvoldoende veiligheidstandaarde in die land se restaurante en kombuise.
Volgens Zervan Hosni, ’n familielid van die man, werk Isa al sowat agt jaar as ’n sjef. Hosni het bygevoeg dat "Isa die pa is van twee dogters en 'n 6 maande oue seun."
